உன் அன்பின் நிறை .

முற்றும் உன்  நிகழ்வு
தொன்மையின் இயல்பாய்
தொடங்கியது .

முன் நிகழ்ந்த யாவும்
எவ்வித மாறுதலும் இன்றி
இந்த பிரபஞ்சத்தை  தொடர்கிறது .

உயிர் கொண்டிருந்த மூன்று மாத கரு
எப்பொழுதும் மரணம் எய்துவதில்லை
இல்லாமையின் இருப்பில்
உன் நினைவின் அகாலம்
அமரத்துவம் அடைந்த ஒன்று .

விண்ணகி என
மன ஒலி எங்கும்
ஓலமிட்டு கொண்டிருக்கிறது
விண்ணகி இயற்கை
தன் நுண்ணிய பகிர்தலை
அதன் காலத்தில்
ரசித்து கொண்டிருக்கிறது .
நீ வாழ்க விண்ணகி .

விண்ணகி
உன் தொன்மையின்
சிறு நிழலில்
உறங்கி கொண்டிருக்கிறேன்
ஒளியை இன்னும்
நிரப்பி கொண்டிரு
கரைந்து கொண்டிருக்கும் தன் சுயத்தில்
நீயே நிறைந்து கொண்டிருக்கிறாய்
விண்ணகி நீ என் பிரிதொரு பிரபஞ்சம் .


விண்ணகி
என் மவுன அமைவில்
இயங்கி கொண்டிருக்கும்
உன்னிடம் எதுவுமே
கேட்கபோவதில்லை
நம் உணர்தலின் இறுதி
அடைந்து விட்ட ஒன்று .

விண்ணகி
தன்னை மட்டுமே
யாசித்து கொண்டிருப்பவனிடம்
எதுவுமே எஞ்சி இருப்பதில்லை
நீ மட்டுமே சுய உணர்தலாய்
வந்தடைந்தாய் .

உன் இருப்பின் அமைவில்
எனக்காக காத்திரு
விண்ணகி
நம்  காலம்
முடிவிலியால் ஆனது .


                         உன் அன்பின் நிறை .

Comments

Post a Comment

Popular posts from this blog

உள்ளொளி

Image
முன் நொடியில் இருள் கொண்ட அறையில் சுடர் அசைவில் நானும் நிழலும் நிறைந்து கொண்டிருந்தோம் . பின் நொடியில் அண்டம் உமிழ்ந்த ஒளியில் நானும் நிழலும் பெருவெளியின் இருப்பைக் கொண்டு அலைந்து கொண்டிருந்தோம் . முன்னும் பின்னும் நிழலுக்கு நான் என்றைக்கும் தேவையாய் இருக்கவில்லை . அதுவும் உள்ளொளிக்கு .                                     -வளத்தூர் தி.ராஜேஷ்                             
Read more

பொருள்-திண்ணை.

இந்த வாரம் திண்ணையில் வெளியான கவிதை  http://puthu.thinnai.com/?p=7166 பொருள்  கொண்டு  மனிதம் மதிப்பீடு  செய்யப்படும்  வழிமுறையை  பழக்கப்படுத்தி கொள்வதில்  இனி சிக்கல்  இருக்கபோவதில்லை. மற்றவர்களை  உதாரணம் கொண்டு  உருவாக்கப்படவில்லை  இந்நிலை.  ஒரு நீடித்த பகலில்  கைவிடப்பட்ட நம்பிக்கையை  சுமந்து கொண்டு  சுய நீர்மம் நிறைவில்  மனதின் அழுத்தங்களை  தாங்கி கொள்ள இயலாத நிலையில்  என்னையும் ஆட்கொண்டது  நாளை உங்களையும் தான் . இனி  உயிரினம் வாழ  நிர்பந்தங்களை  பட்டியல் கொண்டு  மன குற்றங்களை  மறைத்து மறந்து வாழவே  உசித்தம் . அது மிக எளிதான இயல்பு தான் .                                   -வளத்தூர் தி.ராஜேஷ்  அன்பின் நன்றிகள் திண்ணை நண்பர்களுக்கு .
Read more

பிறகு

Image
தேடல் வழியில்  என் கனவினை  காண்பதற்கு  பிரபஞ்சம் தோன்றா  நிலையில்  அதன் வெற்றிடத்தில்  இல்லாமையின் இருப்பை  உணர்த்தி கொண்டிருக்கும்  சுய திறவுக்கோல்  இன்னுமும்  உருவாக்கப்பட்டு கொண்டிருக்கிறது . நிறுத்தம். ஒரு இடைவெளியாக  என்னால் குறிக்கப்பட்டு  முடிவிலியாக  இன்று மாறும் வினையினை  பின்  எதிர்காலத்தின் ஒரு நிகழ்காலம்  தன் இயங்குதலை மேலும்  தொன்மையாகும் . பிறகு  சொல்லப்பட்டவை  இன்னுமும்  முடிக்கப்படவில்லை . நிகழ்வின் அதிர்வுகள்  உணர்த்துவதற்கு என்று  ஒரு பிரபஞ்ச இயக்கத்தை  நினைப்பதற்கு இந்த நொடியின்  பிறகு  அவை  என்னுடையதாக மாறும்  காலத்தில்  நான் இருக்கபோவதில்லை .                            -வளத்தூர் தி.ராஜேஷ் .
Read more