மன்னிப்பதற்கான கனவு -திண்ணை

இந்த வாரம் திண்ணையில் வெளியான கவிதை 


http://puthu.thinnai.com/?p=3949


இப்படியாக தான் 
வாழ்வியல் கனவு 
அமைக்கப்படும் என்று
போதிக்கப்பட்டது .
இதில் இன்னும் நீ 
வந்திருக்கவில்லை .

கலைந்து போன 
கனவை  என்றேனும் 
சந்திக்க இருப்பாய்
வன்மம் கொண்ட 
காலம் எச்சரித்து 
கொண்டிருக்கிறது 
அப்பொழுதும் நீ 
கண்டிப்பாக 
வந்திருக்கவில்லை .

காத்திருக்கும் 
அடுத்த நொடி 
அனைத்துமாக 
நீயாக இருப்பதற்கு 
இன்னும் ஒரு வாரம்
கடக்க வேண்டிருக்கிறது ..
ஆதலால் நீ இன்னும் 
வந்திருக்கவில்லை .

நம்மை காலம் 
இணைத்திருக்குமாயின் 
இதையே என் அன்பாக 
எற்றுகொள் 
இல்லையெனில் 
இருக்கவே இருக்கிறது 
என் வழக்கமான காலம் 
தன் பழியை சுமக்க .
தீர்மானத்தின்  தயக்கம் 
இருப்பதினால் 
நீ இன்னும் இங்கு 
வந்திருக்கவில்லை .

தேடும் விழி கொண்டு 
உருவாக்குகிறேன் 
பல கனவுகளை 
மீதமிருப்பது 
நினையாமல் விட்ட
சில விழிப்பு மட்டுமே .

இன்னும் விருப்பங்கள் 
உறுதியாகவில்லை 
அதற்குள்ளாக மெல்ல 
படரும் கனவுகளுக்கு 
நான்  மட்டுமே 
பொறுப்பாகிறேன் .
வேறுவழி எனக்கு 
தெரியாததால் 
இதில் உன் பங்கும் 
பாதி இருக்கிறது 
மன்னிப்பாயாக .
                  -வளத்தூர் தி. ராஜேஷ் .
அன்பின் நன்றிகள் திண்ணை ,நண்பர்களுக்கு .

Comments

  1. Anuradha KarthiSeptember 5, 2011 at 8:56 AM

    கனவு காண ஆரம்பித்து விட்டிற்கள் போல....

    ReplyDelete
  2. வளத்தூர் தி.ராஜேஷ்September 5, 2011 at 9:52 PM

    ஆமாம் அண்ணி இது ஒரு வாரத்திற்கு முன்பு எழுதியது அவர்களுக்கான என் முதல் அன்பின் தொடக்கம் இதுவாகவே இருக்கும் .

    ReplyDelete
  3. Anuradha KarthiSeptember 10, 2011 at 8:23 AM

    நீங்க இந்த மாதரி பேசி நான் பார்த்ததே இல்லை...

    ReplyDelete
  4. வளத்தூர் தி.ராஜேஷ்September 14, 2011 at 5:33 PM

    இனி மேல் எல்லாம் அப்படி தான் அண்ணி :)

    ReplyDelete

Post a Comment

Popular posts from this blog

உள்ளொளி

Image
முன் நொடியில் இருள் கொண்ட அறையில் சுடர் அசைவில் நானும் நிழலும் நிறைந்து கொண்டிருந்தோம் . பின் நொடியில் அண்டம் உமிழ்ந்த ஒளியில் நானும் நிழலும் பெருவெளியின் இருப்பைக் கொண்டு அலைந்து கொண்டிருந்தோம் . முன்னும் பின்னும் நிழலுக்கு நான் என்றைக்கும் தேவையாய் இருக்கவில்லை . அதுவும் உள்ளொளிக்கு .                                     -வளத்தூர் தி.ராஜேஷ்                             
Read more

பொருள்-திண்ணை.

இந்த வாரம் திண்ணையில் வெளியான கவிதை  http://puthu.thinnai.com/?p=7166 பொருள்  கொண்டு  மனிதம் மதிப்பீடு  செய்யப்படும்  வழிமுறையை  பழக்கப்படுத்தி கொள்வதில்  இனி சிக்கல்  இருக்கபோவதில்லை. மற்றவர்களை  உதாரணம் கொண்டு  உருவாக்கப்படவில்லை  இந்நிலை.  ஒரு நீடித்த பகலில்  கைவிடப்பட்ட நம்பிக்கையை  சுமந்து கொண்டு  சுய நீர்மம் நிறைவில்  மனதின் அழுத்தங்களை  தாங்கி கொள்ள இயலாத நிலையில்  என்னையும் ஆட்கொண்டது  நாளை உங்களையும் தான் . இனி  உயிரினம் வாழ  நிர்பந்தங்களை  பட்டியல் கொண்டு  மன குற்றங்களை  மறைத்து மறந்து வாழவே  உசித்தம் . அது மிக எளிதான இயல்பு தான் .                                   -வளத்தூர் தி.ராஜேஷ்  அன்பின் நன்றிகள் திண்ணை நண்பர்களுக்கு .
Read more

பிறகு

Image
தேடல் வழியில்  என் கனவினை  காண்பதற்கு  பிரபஞ்சம் தோன்றா  நிலையில்  அதன் வெற்றிடத்தில்  இல்லாமையின் இருப்பை  உணர்த்தி கொண்டிருக்கும்  சுய திறவுக்கோல்  இன்னுமும்  உருவாக்கப்பட்டு கொண்டிருக்கிறது . நிறுத்தம். ஒரு இடைவெளியாக  என்னால் குறிக்கப்பட்டு  முடிவிலியாக  இன்று மாறும் வினையினை  பின்  எதிர்காலத்தின் ஒரு நிகழ்காலம்  தன் இயங்குதலை மேலும்  தொன்மையாகும் . பிறகு  சொல்லப்பட்டவை  இன்னுமும்  முடிக்கப்படவில்லை . நிகழ்வின் அதிர்வுகள்  உணர்த்துவதற்கு என்று  ஒரு பிரபஞ்ச இயக்கத்தை  நினைப்பதற்கு இந்த நொடியின்  பிறகு  அவை  என்னுடையதாக மாறும்  காலத்தில்  நான் இருக்கபோவதில்லை .                            -வளத்தூர் தி.ராஜேஷ் .
Read more