Posts

Showing posts from January 12, 2011

அதற்காகவும் இதற்காகவும் .

எதையும் அறிந்து  கொள்வதற்காக  எழுதுவதில்லை  அறிந்தவையும்  எழுதவதில்லை  இருந்தும் ஏன் எழுதப்படுகிறது.  அறியப்படாத  ஒரு வாழ்வை மனதை   நிலைநிறுத்தி  கொள்ளும்  பதிவை இருப்புகளாக  நிலைநாட்டும்  போராட்டமே  அனுபவ பாடமாகிறது.  அதற்காகவும்  எழுதப்படுகிறது நீ அறிந்து வைத்த  புறக்கணித்த   ஒன்றுமில்லாத  ஒன்றாக கருதும்  இவை வெறும்  சொல்லாகவே  இருந்து விட்டு  போகட்டுமே  இதற்காகவும்  எழுதப்படுகிறது ..                    -தி .ராஜேஷ் .

ஒரு இணைப்பில்

துண்டிக்கப்பட்ட ஒரு இணைப்பில்   உறவின் ஆளுமை நீள்வதாக   கருதப்படுவதுண்டு . முறையிடப்பட்ட ஒரு வார்த்தை காலம் கடந்தும் இன்னும் உயிர்ப்புடன் வைத்திருக்கிறது. ஒன்றிணைக்கும் அன்பில் உணரப்படாத நேசமும் விரும்பப்படுகிறது .                       - தி .ராஜேஷ் 

புறமுகம்.

Image
என்றுமே தோன்றிடாத  பல புன்னகையை  இன்று இக்கணம் சுமக்கிறேன் . இது எவ்வளவு  மிகைமை  உடையவையாக  இருந்தும் இன்னுமும்  சிரிக்கப்படுகிறது. மீண்டுமொரு தடவை  இந்த நிகழ்வு வராமல்  போகவும்  கூடும்  அதன் பொருட்டே  ஏற்று கொள்கிறது  புறமுகம். புன்னகையின் சிதறல்  வெளியே செல்லாமல்  இருக்குமாறு  கவனமாக்குகிறது. அவையும் மீறிய  சிதறிய துளி  வெள்ளமென    பாய்கிறது  எந்நிலை உடையவர்கள்  பிரதியை போல  பொய்மை கொண்டு  மேலும் மேலும் பொழிவை கூட்டுகின்றனர்.                                 -  தி .ராஜேஷ் .