Posts

Showing posts from June 14, 2011

நிறைவுதன்மையற்ற பகிர்வு .

Image
தவறுதலாக  பின் தொடரும்  ஒரு நிழலொன்று  இந்த இரவில்  என்னிடம்  வந்தடைந்தது . என்னுடையது அல்ல  இருந்தும்  யாவற்றையும் நேசிப்பதால்  அவை மேலும் சில  நிமடங்கள்  தன்னை  ஆசுவாசப்படுத்த  நீள்கின்ற மவுன  அசைவுகள் சற்று  அமைதியாகியது. நீடிக்கின்ற என் இரவில்  வந்திருக்கும்  நிழல் ஒளியில்  பகிர  நிறைவுதன்மையற்ற  காரணங்கள் இருந்தும் கடக்கிறது  நொடிகளின் இயக்கம் . விடியலின் தொலைவு  சற்று நெருங்குகிறது  காலம் கரைந்ததில்  சொன்ன ஒரே பதில்  நீ.......... நான் . மூன்று காலங்கள்  கடந்து வந்திருக்கும்  தவறுதலான  நிழலொன்று இன்று  நானானேன் . விடியலின் தேய்மானம்  மெல்ல மெல்ல என் மீது  படர தவறுதலான  நிழலொன்று  நிறைவுதன்மையற்ற பகிர்வை  தன் சுய நிழலில் கலந்தது .                                          -வளத்தூர் தி.ராஜேஷ்