கருத்தின் வாழ்த்துகள்

தன்னை  ஏற்றுகொள்ளும் ஒரு கருத்தை 

இது வரை அறிந்திருக்கவில்லை காலம் 

அதன் மாற்றத்தில் ஒவ்வொன்றும் 

ஒவ்வொரு நிலையை அடைந்திருக்க

நூற்றாண்டின் விளைவை உயிரினத்தில்  

புகுத்தும் உண்மையான ஒன்று இன்னும் 

உருவாகியிருக்கவில்லை .

கருத்தின் செறிவு தன் ஆளுமைக்கு 

உட்பட்டதாகவே இன்று வரையிலும் 

பின்பற்றப்படுகிறது .

நிர்பந்தம் ஏன் உங்களை சிந்திக்கவைக்கவில்லை 

ஒரு வேளை பின்பற்றபட்டவையே இறுதி என 

உங்களை நம்ப செய்யும் சூழ்ச்சியில்

 உறங்கி உறைந்து போய்விட்டிர்களா 

எதுவாயினும் நிகழ்த்தி கொண்டிருப்பவை 

உங்களால் நிர்ணியம் செய்ய கூடியவை அல்ல .

கருத்தில் உங்கள் சாதகங்களை முதலில் தேடுகிறிர்கள்

அவ்வாறு இல்லையெனில் எளிதாக புறகணிக்க முடிகிறது 

கருத்தின் நம்பிக்கை எதுவரை வரையறுக்கப்படுகிறது 

என சந்தேகம் உங்களுக்கு இது வரை வந்திருக்க வாய்ப்பில்லை .

ஒரு வேளை என் பிதற்றல் அறிந்திருக்குமோ என்னவோ 

எனக்கான கருத்தில் உங்களை நிச்சையமாக காண இயலாது 

அந்த கருத்தின் இயலாமையில் தொற்றி கொண்டிருக்கலாம் 

அப்பொழுதும் என்னால் உணரமட்டுமே முடியும் .

உங்கள் கருத்தை நீங்கள் அறிந்து கொள்ளும் முன் 

கருத்தின் தோற்றம் இறுதி நிலையை அடைந்திருக்கலாம்  

வாழ்த்துகள் .

                                               

                            -தி .ராஜேஷ்