நீடித்த பகற்பொழுதில் .
நீடித்த ஒரு பகற்பொழுதில்
உங்களை நிலைகுலைய வைக்கும்
சம்பவம் நடைபெறலாம்
இல்லாமலும் போகலாம்
எச்சரிக்கையாக இருப்பது
தற்காத்து கொள்வதற்காக மட்டும் அல்ல
நீடித்த பகல் உங்களால் சோதனையிடப்படுகிறது
அது மட்டுமே முக்கியத்துவம் வாய்ந்ததாக
அமைகிறது .
தன் பகலின் தீர்மானம் ஒவ்வொன்றாக
நிறைவேற்ற எடுத்து கொண்டுள்ள
நம்பிக்கை எது வரை நீண்டிருக்கிறது
என்ற அச்சம் பொய்மையில் சங்கமிக்கிறது .
இப்படிப்பட்ட நீடித்த பகல் நீங்கள்
வெறுப்பிற்கு உட்படுத்தப்படலாம்
இல்லையெனில் நேசிப்பிற்கு
உடன்படலாம் .
எதுவாயினும் உங்களின் சாதகம்
இதற்கு என்றுமே தேவையாய்
இருக்க போவதில்லை .
இந்த நீடித்த என்பதன் அர்த்தம்
உண்மையிலும் அந்த பகல் அடுத்த
நிலைக்கு தன்னை எடுத்து
செல்லவே இல்லை விரும்பவும் இல்லை .
-தி .ராஜேஷ் .
Comments
Post a Comment