மகா இயக்கத்தின் சிறு நினைவு சிதறல்கள்.

இந்த வாரம் உயிரோசையில் வெளியான எனது முப்பத்தி ஆறாம் கவிதை. 

 http://www.uyirmmai.com/uyirosai/contentdetails.aspx?cid=6196
தன் இயக்க சுழலில் 
எத்தனை விதமாக 
மறுதலித்து கொண்டிருக்கிறது
ஒப்பற்ற மனம் .
 
எதிலும் தன் அடக்குமுறையில் 
மவுன சிறகுகளை 
முறித்து கொண்டிருந்தேன் 
உணர்தலின் வலி 
பெருவெளி எங்கும் 
நிறைந்து கொண்டிருக்கிறது .
இதில் 
தன் நுண்ணிய பகிர்வு 
எண்ணுதலை விட 
மிகு நுண்ணிய தன்மை கொண்டது.
அதில் 
ஓர் மவுன இடைவெளியை 
பிரபஞ்ச அலையின் 
இயக்கமாய்
 மவுன சிறகுகளை 
விடுவிக்க முயல்கிறது.
 

சில அனுமானத்தின் நிழலில் 
இரவை உற்றுநோக்கி கொண்டிருக்க 
அசைவுறும் பிரபஞ்ச நிழல்
தன்னின் பிரதிபலிப்பை 
எங்கு கொண்டு
சேகரித்து கொண்டிருக்கிறது .
இங்கு 
பெற்றுக்கொண்டவையில் 
தொன்மையின் ஒளிர் சிதற 
தன் பிம்பம் எதன் எதிரொளி.
மேலும் காத்திரு 
அகாலம் 
தன் வினையை
என்னென்றும் உற்பத்தி 
செய்து கொண்டிருக்கும் .

------தன்  நினைவுகள்
உன் காலத்தின்
முடிவிலியில்
தொடங்குகிறது.
நினைவாய்
உன் புன்னகையில்
எஞ்சி இருப்பதை
சேகரித்து கொண்டிருக்கிறேன்
நம் பிரபஞ்ச
எதிர் காலத்திற்காக.

 உன் மவுனம்
மட்டுமே
என் நிறைவாய்
நிறைகிறது .
அதுவே
என்னை வழி நடத்துகிறது.



எங்கெங்கும்  உன் மன ஒலிகள்
என்னை
வந்தடைகிறது
மவுன சிறகில்.
அவ் உணர்தல்
தனித்தன்மையுடன்
பிரபஞ்சம் எங்கும்
எதிரொலித்து கொண்டிருக்கிறது .

 உன் நிழலில்
ஆதியின் ஒளியினை
வழிபட்டு
கொண்டிருக்கிறேன் .
உன் மறு வருகையை
பிரபஞ்ச உணர்தலில்
மகா இயக்கமாக்கு .

அன்பின் நன்றி உயிரோசை ,நண்பர்களுக்கு .

Comments

Post a Comment

Popular posts from this blog

உள்ளொளி

Image
முன் நொடியில் இருள் கொண்ட அறையில் சுடர் அசைவில் நானும் நிழலும் நிறைந்து கொண்டிருந்தோம் . பின் நொடியில் அண்டம் உமிழ்ந்த ஒளியில் நானும் நிழலும் பெருவெளியின் இருப்பைக் கொண்டு அலைந்து கொண்டிருந்தோம் . முன்னும் பின்னும் நிழலுக்கு நான் என்றைக்கும் தேவையாய் இருக்கவில்லை . அதுவும் உள்ளொளிக்கு .                                     -வளத்தூர் தி.ராஜேஷ்                             
Read more

பொருள்-திண்ணை.

இந்த வாரம் திண்ணையில் வெளியான கவிதை  http://puthu.thinnai.com/?p=7166 பொருள்  கொண்டு  மனிதம் மதிப்பீடு  செய்யப்படும்  வழிமுறையை  பழக்கப்படுத்தி கொள்வதில்  இனி சிக்கல்  இருக்கபோவதில்லை. மற்றவர்களை  உதாரணம் கொண்டு  உருவாக்கப்படவில்லை  இந்நிலை.  ஒரு நீடித்த பகலில்  கைவிடப்பட்ட நம்பிக்கையை  சுமந்து கொண்டு  சுய நீர்மம் நிறைவில்  மனதின் அழுத்தங்களை  தாங்கி கொள்ள இயலாத நிலையில்  என்னையும் ஆட்கொண்டது  நாளை உங்களையும் தான் . இனி  உயிரினம் வாழ  நிர்பந்தங்களை  பட்டியல் கொண்டு  மன குற்றங்களை  மறைத்து மறந்து வாழவே  உசித்தம் . அது மிக எளிதான இயல்பு தான் .                                   -வளத்தூர் தி.ராஜேஷ்  அன்பின் நன்றிகள் திண்ணை நண்பர்களுக்கு .
Read more

பிறகு

Image
தேடல் வழியில்  என் கனவினை  காண்பதற்கு  பிரபஞ்சம் தோன்றா  நிலையில்  அதன் வெற்றிடத்தில்  இல்லாமையின் இருப்பை  உணர்த்தி கொண்டிருக்கும்  சுய திறவுக்கோல்  இன்னுமும்  உருவாக்கப்பட்டு கொண்டிருக்கிறது . நிறுத்தம். ஒரு இடைவெளியாக  என்னால் குறிக்கப்பட்டு  முடிவிலியாக  இன்று மாறும் வினையினை  பின்  எதிர்காலத்தின் ஒரு நிகழ்காலம்  தன் இயங்குதலை மேலும்  தொன்மையாகும் . பிறகு  சொல்லப்பட்டவை  இன்னுமும்  முடிக்கப்படவில்லை . நிகழ்வின் அதிர்வுகள்  உணர்த்துவதற்கு என்று  ஒரு பிரபஞ்ச இயக்கத்தை  நினைப்பதற்கு இந்த நொடியின்  பிறகு  அவை  என்னுடையதாக மாறும்  காலத்தில்  நான் இருக்கபோவதில்லை .                            -வளத்தூர் தி.ராஜேஷ் .
Read more