சுயத்தின் கொலைகள்.

இந்த வாரம் உயிரோசையில் வெளியான கவிதை

http://www.uyirmmai.com/Uyirosai/contentdetails.aspx?cid=6056

அன்றொரு நாள் பலியிட்ட
தன் நிழலைத் தேடிக் கொண்டிருக்கிறேன்
வன்மம் நிறைந்த காலத்தில்
சோர்ந்து விட்டிருக்கிறது நொடிகள் .

அச்சமிட்டு அலைந்து கொண்டிருந்த
கனவில் இரையாக்கப்படும்
இரவுகள் பரிதாபமானது.

குவியத்தின் இறுக்கம்
மெல்லிய இரவைக்
கடந்து கொண்டிருக்கிறது .

இருப்பின் ஒளி
என் நிலை கொண்டு
பிரதிபலிக்கிறது .

உன் தொன்மை ஒன்றின்
படிமம் நான்.

சுயத்தின் கொலைகள்
மீண்டும் மீண்டும்
கேட்பார் அற்று கிடக்கிறது .

என் அத்தனை காதலும்
திசைகளற்றுப் பரவ
உன் அமைவு பிரதி பிரபஞ்சத்தை
உருவாக்கிக் கொண்டிருக்கிறது .

தன் தவிப்புகளை அனைத்தும்
குமிழ் செய்து மன படிமத்தில்
பாதுகாத்து வைக்கிறேன் .

இரவின் ஒளிர் சூழ
மீதங்கள் கடக்கிறது .

என் அன்பினை வடிவமைக்கும்
இயக்கம் நீ மட்டுமே .

நீக்கமற நீ இருந்த காலத்தில்
நானும் இருந்து கொண்டிருக்கிறேன்.

முன் தோன்றா கனவுகளில்
நிழல் உட்கொண்ட ஒளியாகி
போனது இரவுகள் .

கணமேற்றும் நிகழில்
மீள் நீ மட்டுமே .

                         -வளத்தூர் தி.ராஜேஷ் .

அன்பின் நன்றிகள் உயிரோசை ,நண்பர்களுக்கு .

Comments

Post a Comment

Popular posts from this blog

உள்ளொளி

Image
முன் நொடியில் இருள் கொண்ட அறையில் சுடர் அசைவில் நானும் நிழலும் நிறைந்து கொண்டிருந்தோம் . பின் நொடியில் அண்டம் உமிழ்ந்த ஒளியில் நானும் நிழலும் பெருவெளியின் இருப்பைக் கொண்டு அலைந்து கொண்டிருந்தோம் . முன்னும் பின்னும் நிழலுக்கு நான் என்றைக்கும் தேவையாய் இருக்கவில்லை . அதுவும் உள்ளொளிக்கு .                                     -வளத்தூர் தி.ராஜேஷ்                             
Read more

பொருள்-திண்ணை.

இந்த வாரம் திண்ணையில் வெளியான கவிதை  http://puthu.thinnai.com/?p=7166 பொருள்  கொண்டு  மனிதம் மதிப்பீடு  செய்யப்படும்  வழிமுறையை  பழக்கப்படுத்தி கொள்வதில்  இனி சிக்கல்  இருக்கபோவதில்லை. மற்றவர்களை  உதாரணம் கொண்டு  உருவாக்கப்படவில்லை  இந்நிலை.  ஒரு நீடித்த பகலில்  கைவிடப்பட்ட நம்பிக்கையை  சுமந்து கொண்டு  சுய நீர்மம் நிறைவில்  மனதின் அழுத்தங்களை  தாங்கி கொள்ள இயலாத நிலையில்  என்னையும் ஆட்கொண்டது  நாளை உங்களையும் தான் . இனி  உயிரினம் வாழ  நிர்பந்தங்களை  பட்டியல் கொண்டு  மன குற்றங்களை  மறைத்து மறந்து வாழவே  உசித்தம் . அது மிக எளிதான இயல்பு தான் .                                   -வளத்தூர் தி.ராஜேஷ்  அன்பின் நன்றிகள் திண்ணை நண்பர்களுக்கு .
Read more

பிறகு

Image
தேடல் வழியில்  என் கனவினை  காண்பதற்கு  பிரபஞ்சம் தோன்றா  நிலையில்  அதன் வெற்றிடத்தில்  இல்லாமையின் இருப்பை  உணர்த்தி கொண்டிருக்கும்  சுய திறவுக்கோல்  இன்னுமும்  உருவாக்கப்பட்டு கொண்டிருக்கிறது . நிறுத்தம். ஒரு இடைவெளியாக  என்னால் குறிக்கப்பட்டு  முடிவிலியாக  இன்று மாறும் வினையினை  பின்  எதிர்காலத்தின் ஒரு நிகழ்காலம்  தன் இயங்குதலை மேலும்  தொன்மையாகும் . பிறகு  சொல்லப்பட்டவை  இன்னுமும்  முடிக்கப்படவில்லை . நிகழ்வின் அதிர்வுகள்  உணர்த்துவதற்கு என்று  ஒரு பிரபஞ்ச இயக்கத்தை  நினைப்பதற்கு இந்த நொடியின்  பிறகு  அவை  என்னுடையதாக மாறும்  காலத்தில்  நான் இருக்கபோவதில்லை .                            -வளத்தூர் தி.ராஜேஷ் .
Read more