மன ஒலியின் ஓலம்-உயிரோசை

இந்த வாரம் உயிரோசையில் வெளியான கவிதை


ஓர் உணர்தலை அனைத்து விதமாகப்　
பரிசோதனை செய்து கொண்டிருக்கிறேன்
உருமாற்றங்களின் கற்பனையை உடைத்தெறிக்க　
சிற்சில கணங்களின் காலம் இது .

உருவாகியிராத திசையின் தென்றல் தீண்ட　
உருவாகிறது என் மனதின் அசைவுகள் .
பிரபஞ்ச துருவங்கள் தொடர்ந்து சலனப்படுத்த　
மித மிஞ்சிய உணர்தலை என்ன செய்வது.

என் இல்லாமையின் இருப்பை　
எவ்விதமாக்க் கொண்டாலும் அவைகள்　
கற்பனையன்று மீதங்களின் மனப் பகிர்வு .

எதையாவது எதிர் கொள்ள அனைத்தும் இருக்கிறது
ஏற்றுக்கொள்ள சிறிது தான்　
எஞ்சி இருக்கிறது.　

நிகழும் சொற்கள் யாதெனில்　
ஒன்றுமில்லாமல் இருப்பது .
அதில் உணர்தல்　
என்　 இருப்பின் பெருவெளி .

எவ்வித தொடர்பும் இன்றி　
இயற்றப்படும் இவைகள்　
ஆதியின் சலனத்தின்　
ஓர் நினைவுகளின் சான்றுகள் .

என் வார்த்தைகளை இணைத்துக்கொள்ளுங்கள்　
இல்லையெனில் விட்டு விடுங்கள்　
ஒலித்துக் கொண்டிருக்கும் மன ஒலியின் ஓலம்　
பிரபஞ்சத்தின் இருப்பு .

முற்றும் தொலைந்த ஒன்று　
என் இயலாமையுடன் தொற்றிக்கொண்டிருக்கிறது.

உன் அனுமானத்தின் முன்பே
நிகழ்ந்து விடக் கூடியது என் நொடிகள்.　

முறையொன்றும் ஏதுமில்லாமல்　
தகித்துக் கொண்டிருக்கிறது நான்　
இதுவரை பின்பற்றாத மவுனங்கள்
      
-வளத்தூர் தி.ராஜேஷ்
http://uyirmmai.com/ContentDetails.aspx?cid=5970

அன்பின் நன்றிகள் உயிரோசை ,நண்பர்களுக்கு .

Comments

Post a Comment

Popular posts from this blog

உள்ளொளி

Image
முன் நொடியில் இருள் கொண்ட அறையில் சுடர் அசைவில் நானும் நிழலும் நிறைந்து கொண்டிருந்தோம் . பின் நொடியில் அண்டம் உமிழ்ந்த ஒளியில் நானும் நிழலும் பெருவெளியின் இருப்பைக் கொண்டு அலைந்து கொண்டிருந்தோம் . முன்னும் பின்னும் நிழலுக்கு நான் என்றைக்கும் தேவையாய் இருக்கவில்லை . அதுவும் உள்ளொளிக்கு .                                     -வளத்தூர் தி.ராஜேஷ்                             
Read more

பொருள்-திண்ணை.

இந்த வாரம் திண்ணையில் வெளியான கவிதை  http://puthu.thinnai.com/?p=7166 பொருள்  கொண்டு  மனிதம் மதிப்பீடு  செய்யப்படும்  வழிமுறையை  பழக்கப்படுத்தி கொள்வதில்  இனி சிக்கல்  இருக்கபோவதில்லை. மற்றவர்களை  உதாரணம் கொண்டு  உருவாக்கப்படவில்லை  இந்நிலை.  ஒரு நீடித்த பகலில்  கைவிடப்பட்ட நம்பிக்கையை  சுமந்து கொண்டு  சுய நீர்மம் நிறைவில்  மனதின் அழுத்தங்களை  தாங்கி கொள்ள இயலாத நிலையில்  என்னையும் ஆட்கொண்டது  நாளை உங்களையும் தான் . இனி  உயிரினம் வாழ  நிர்பந்தங்களை  பட்டியல் கொண்டு  மன குற்றங்களை  மறைத்து மறந்து வாழவே  உசித்தம் . அது மிக எளிதான இயல்பு தான் .                                   -வளத்தூர் தி.ராஜேஷ்  அன்பின் நன்றிகள் திண்ணை நண்பர்களுக்கு .
Read more

பிறகு

Image
தேடல் வழியில்  என் கனவினை  காண்பதற்கு  பிரபஞ்சம் தோன்றா  நிலையில்  அதன் வெற்றிடத்தில்  இல்லாமையின் இருப்பை  உணர்த்தி கொண்டிருக்கும்  சுய திறவுக்கோல்  இன்னுமும்  உருவாக்கப்பட்டு கொண்டிருக்கிறது . நிறுத்தம். ஒரு இடைவெளியாக  என்னால் குறிக்கப்பட்டு  முடிவிலியாக  இன்று மாறும் வினையினை  பின்  எதிர்காலத்தின் ஒரு நிகழ்காலம்  தன் இயங்குதலை மேலும்  தொன்மையாகும் . பிறகு  சொல்லப்பட்டவை  இன்னுமும்  முடிக்கப்படவில்லை . நிகழ்வின் அதிர்வுகள்  உணர்த்துவதற்கு என்று  ஒரு பிரபஞ்ச இயக்கத்தை  நினைப்பதற்கு இந்த நொடியின்  பிறகு  அவை  என்னுடையதாக மாறும்  காலத்தில்  நான் இருக்கபோவதில்லை .                            -வளத்தூர் தி.ராஜேஷ் .
Read more