அடையாளப்படுத்தப்பட்டிருக்கிறேன் .
தன்னை எப்படி
அடையாளப்படுத்தி கொள்வது
என்ற சிக்கல்
அவ்வளவு முக்கியமில்லை என்றாலும்
எப்படியாவது தீர்த்து கொள்வது
இன்றைய இரவின் பெரும் வேலையாக
இருக்க போகிறது .
ராஜேஷ் என்ற பெயர்
வைத்த ஆயா இன்று இல்லை
பிறர் குறிப்பிட்டு கூற
எதையாவது சொல்
கிடைத்து விட்டது
அதன் முறையாகவே
அடையாளப்படுத்தப்பட்டிருக்கிறேன் .
உடன் பிறந்த உறவுகள்
பெற்றோர்கள்,நண்பர்கள் ,உறவினர்கள்
என பல்வேறு
உறவுமுறை பெயர்களில்
அடையாளப்படுத்தப்பட்டிருக்கிறேன் .
பெயர் சேர்ந்து விட்ட
ஒரு மனித உயிரினம்
தன்னை உணர்த்தி கொண்டிருக்கும்
அன்பு ,கோபம் ,வன்மம் ,துரோகம் ,காமம்
என பல காரணிகளால்
அடையாளப்படுத்தப்பட்டிருக்கிறேன் .
எதையும் பொருட்படுத்தாத
சுயம் சார்ந்த உணர்வை
அதன் அனுபவத்தை
கனவு கண்டு கொண்டிருப்பவன் எனவும்
அடையாளப்படுத்தப்பட்டிருக்கிறேன் .
திருமணம் நிச்சயம் முடிந்த நிலையில்
இடைப்பட்ட மாதங்கள்
என் காதலியிடம் காதல்
செய்து கொண்டிருப்பவனாக
அடையாளப்படுத்தப்பட்டிருக்கிறேன் .
பின் இது தன் எல்லையை
விரிவித்து கொள்ளும் .
எப்பொழுது நான்
நானாகிறேன் .
சுயத்தின் தேடலின் இயங்குதல்
நினைக்கின்ற நொடிகளில்
மட்டும் சுயம்
உடையவனாக
அடையாளப்படுத்தப்பட்டிருக்கிறேன் .
தன் இருப்பை எப்படி
அடையாளப்படுத்துவது
என்ற குழப்பத்தில்
யாதுமற்ற செய்கை
சிந்தித்து கொண்டிருப்பவனாக
அடையாளப்படுத்தப்பட்டிருக்கிறேன் .
எல்லாவற்றையும் விட
நான் இறந்த பிறகு
பிரபஞ்ச கனவினை
சுமந்து கொண்டிருந்தவன்
ஒருவன் இப்படி தான்
வாழ்வான் என
இப்பொழுதே
அடையாளப்படுத்தப்பட்டிருக்கிறேன் .
வளத்தூர் தி.ராஜேஷ் .
Comments
Post a Comment