நிறைவின் தொடக்கம்

உன் கற்பனை வைத்து 

ஒன்று செய்ய முடியாது 

இப்பொழுது . 

என்னை தவிர .

ஒன்றின் ஒலி பிரபஞ்சத்தை 

கடக்க வேண்டுமெனில் 

ஒரே வழி 

இப்பொழுதே 

அதை கேட்க வேண்டும் .

இதற்கும் குறிப்பெடுத்துக்கொள் 

சற்றே நீளும் நீ அறிந்திடா 

நொடிகளும் அதன் மவுனமும்

என்னிலும் உள்ளதென .

நேற்றைய இரவில் என் வழியெங்கும் 

உன் காத்திருப்பின் நேசங்கள் 

என் பயணத்தோடு 

நீண்டு கொண்டு இருந்தது .

இப்படியே விட்டு விடு 

ஒளித்து வைத்துகொண்ட 

புன்னகையை எப்படியும் 

என் இரவு கண்டுபிடித்துவிடும் .

சில நினைந்திடுதல் 

என் நிறைவின் 

தொடக்கம் ஆகிறது .

 வளத்தூர் தி .ராஜேஷ்