முற்றும்.

இந்த வாரம் திண்ணையில் வெளியான கவிதை 




முன் பெற்ற காலமொன்றில் 
தன் நிலையினை  அளவிடுவதற்கு 
தூற்றும் நினைவினை கொண்டு 
எடுத்து ஆளும் நிறைவு உண்டு .

முதல் அன்பின் வீச்சு 
பார்வையை கூச 
செய்த தன்மை 
இனி 
வருவதற்கில்லை 
இயங்காமல் போன 
காலமொன்றில் 
சேகரித்து வைக்கிறேன் 
முதலின்
அனைத்தும் .

இங்கு தான் 
முதன் முதலாக 
நியாயப்படுத்தி கொள்கிறது 
பல நிலைகளுடைய 
தன் சுய விருப்பங்கள் .
நீள்கின்ற அவைகளை 
சுய தொன்மை சுருக்கி விட்டது 
பல மாலை பொழுதின் 
கண்ணீரோடு .

இன்றளவும் 
நினைவின் வடுவும் 
உறுதி செய்கிறது 
அவையை.
யாரும் பார்த்திராத 
துரோக மவுனத்தின் 
அணைப்பில் 
புகலிடம் எய்தினேன் .
இங்கு தான் 
முதல் 
அகமகிழ்வையும் ,அகதுயரத்தையும் 
கடந்தேன் .

மறுப்பதற்கு மறத்தல்
ஒன்றே 
இன்னும் 
மன்னித்து கொண்டிருக்கிறது 
முன் பெற்ற காலமொன்று .

விலகிய மவுனம் 
இன்னும் 
கலைந்து விடவில்லை 
அதை அப்படியே 
உயிர்ப்புடன்  
வைத்திருக்கிறேன் 
நினைவுகளின் தொகுப்பில் .

கடந்து விட்ட அனைத்தையும் 
பழியை நான் சுமக்கிறேன் 
அதுவே இன்னும் என் 
சுய இயல்பாகிறது .
முற்றும் .

பின் பெற்ற காலமொன்றில் 
எனக்கான முதல் 
அக நினைவின் விதை
துளிர்க்க 
பிரபஞ்சத்தின் செய்கை 
இனி நாமாவோம்.
                           வளத்தூர் தி.ராஜேஷ் 
அன்பின் நன்றிகள் திண்ணை ,நண்பர்களுக்கு .

Comments

Post a Comment

Popular posts from this blog

உள்ளொளி

Image
முன் நொடியில் இருள் கொண்ட அறையில் சுடர் அசைவில் நானும் நிழலும் நிறைந்து கொண்டிருந்தோம் . பின் நொடியில் அண்டம் உமிழ்ந்த ஒளியில் நானும் நிழலும் பெருவெளியின் இருப்பைக் கொண்டு அலைந்து கொண்டிருந்தோம் . முன்னும் பின்னும் நிழலுக்கு நான் என்றைக்கும் தேவையாய் இருக்கவில்லை . அதுவும் உள்ளொளிக்கு .                                     -வளத்தூர் தி.ராஜேஷ்                             
Read more

பொருள்-திண்ணை.

இந்த வாரம் திண்ணையில் வெளியான கவிதை  http://puthu.thinnai.com/?p=7166 பொருள்  கொண்டு  மனிதம் மதிப்பீடு  செய்யப்படும்  வழிமுறையை  பழக்கப்படுத்தி கொள்வதில்  இனி சிக்கல்  இருக்கபோவதில்லை. மற்றவர்களை  உதாரணம் கொண்டு  உருவாக்கப்படவில்லை  இந்நிலை.  ஒரு நீடித்த பகலில்  கைவிடப்பட்ட நம்பிக்கையை  சுமந்து கொண்டு  சுய நீர்மம் நிறைவில்  மனதின் அழுத்தங்களை  தாங்கி கொள்ள இயலாத நிலையில்  என்னையும் ஆட்கொண்டது  நாளை உங்களையும் தான் . இனி  உயிரினம் வாழ  நிர்பந்தங்களை  பட்டியல் கொண்டு  மன குற்றங்களை  மறைத்து மறந்து வாழவே  உசித்தம் . அது மிக எளிதான இயல்பு தான் .                                   -வளத்தூர் தி.ராஜேஷ்  அன்பின் நன்றிகள் திண்ணை நண்பர்களுக்கு .
Read more

பிறகு

Image
தேடல் வழியில்  என் கனவினை  காண்பதற்கு  பிரபஞ்சம் தோன்றா  நிலையில்  அதன் வெற்றிடத்தில்  இல்லாமையின் இருப்பை  உணர்த்தி கொண்டிருக்கும்  சுய திறவுக்கோல்  இன்னுமும்  உருவாக்கப்பட்டு கொண்டிருக்கிறது . நிறுத்தம். ஒரு இடைவெளியாக  என்னால் குறிக்கப்பட்டு  முடிவிலியாக  இன்று மாறும் வினையினை  பின்  எதிர்காலத்தின் ஒரு நிகழ்காலம்  தன் இயங்குதலை மேலும்  தொன்மையாகும் . பிறகு  சொல்லப்பட்டவை  இன்னுமும்  முடிக்கப்படவில்லை . நிகழ்வின் அதிர்வுகள்  உணர்த்துவதற்கு என்று  ஒரு பிரபஞ்ச இயக்கத்தை  நினைப்பதற்கு இந்த நொடியின்  பிறகு  அவை  என்னுடையதாக மாறும்  காலத்தில்  நான் இருக்கபோவதில்லை .                            -வளத்தூர் தி.ராஜேஷ் .
Read more