தனித்துவம் .

தோன்றிடாத தொன்மையை  கொண்டு 

விடுவிக்கப்பட ஒளிக்கதிர் ஒன்றினை 

மெல்ல மெல்ல காட்சிப்படுத்துகிறது 

என்னை .

நேற்றைய  இன்றைய நாளைய 

தீர்மானத்திற்கான கட்டமைப்பில் 

இதுவரையிலும் இன்னுமும் 

புறப்பட்டிருக்கவில்லை எந்தன் 

காலமும் அதன் வெளியும் .

இயக்கங்களின் வெற்றிட நிறைவு 

தன் எல்லைகளை 

சரிபார்த்து கொள்கிறது 

ஒவ்வொரு முறையிலும் 

எந்தன் இயற்கையை பரிசோதிக்க.

அணுக்களின் தோன்றல் 

இப்பொழுது சாத்தியமானது 

என்னில் .அதன் ரகசியங்களை 

அதனுள்ளே நிரப்பி கொண்டு 

பரிணாமத்தின் வழித்தடங்களை 

உருவாக்கி கொண்டது 

எனக்கான முதல் அணு .

பெருவெளி என்னை 

இயக்கமாக்கி விட்டன 

தனித்துவங்களில் இனி 

நானும் ஒருவன் .

                              -வளத்தூர் தி.ராஜேஷ்