அன்பின் இயல்புகள் வீற்றிருக்க.

வெளி சூழல்களின் 
பிடியில் நான் 
என்னை 
மறந்தவனானேன் 
என் இருப்புகளை 
பின் தள்ளிவிட்டேன் ..
பிரபஞ்ச இயக்கமாய்
என் உள்ளங்களில்
அன்பின் இயல்புகள்
வீற்றிருக்க..
வருந்தும் காரணங்களை
கண்டறிவது வீணே
என் இயல்புகளில்
இருந்து மீறும்
தருணத்தில் எல்லாம்
முறையிட வந்து
விடுகிறது என்
தனிமைகள் ..
------------------------------------------------


இறுக்கங்கள் நமக்குள்
வந்த நிலையில்
பேசுவதற்கு கூட
தயக்கம் அதிகமாகிறது
வார்த்தைகளுக்கு ..
நுண்ணிய சிணுங்கலும்
சொல்லும் உன் நிலையை
காணமல் நான் தவிக்கிறேன் ..
உந்தன் விருப்பங்களே
எந்தன் வாழ்வானது
--------------------------------------------------


உயிர் நட்புகளில்
இருந்த நெருக்கம்
அன்பின் மிகுதியில்
காணமல் போகிறது
நேசங்களின் தன்மை
மாறி விட கூடிய
எல்லையில்
இருந்து கொண்டு
கை கொட்டி
சிரிக்கிறது பல
ஆசைகள் ..
என் விருப்பங்கள்
அனைத்தும்
உனதானது என்றாய் ..
இயலாமையால்
உன் வெறுப்புகள்
அனைத்தும்
நானாகிறேன் ..
காத்திருக்கும்
மவுனங்களை
என்ன செய்வது
என்று புரியாமல்
தனிமையில்
நடை பயிலவிட்டேன்
--------------------------------------------------------

உள்ளங்களின்
ஓசைகள்
அதிகமாகிறது
எதையுமே
முடிவெடுக்கமுடியாமல்
தவிக்கிறது
எண்ணங்கள் ...
பற்றுகளின் நேசத்தை
பரிதவிக்கும் நிலையை
உருவாக்கிய சூழ்நிலைகள்
எப்பொழுதும் போல்
வேடிக்கை பார்க்கும்
காலங்கள் ..
எதற்காகவும்
விட்டு கொடுக்காத
கோபங்களும்
நிலையின்றி
நீடிக்கும்
மவுனங்கள்
அனைத்துமே
ரசிக்கிறேன்
அதனதன்
இயல்பில் ..
 
 ------------------------------------------

சொல்வதற்கு
எளிதான
வார்த்தைகளை
உள்ளடக்கிய
நிலையில்லாத
எண்ணத்தின்
வெளிப்பாடுகளின்
அர்த்தம் புரிவதற்குள்
கடந்து விடுகிறது
அனைத்துமே .
----------------------------------------------------

நம் பிறிவு
நிலைகளிலும்
ஊடலின் தன்மை
மிகுதியாகி நம்
நினைவுகளுடன்
பயணிக்கிறது
காலம் ..
மவுனங்களையும்
நேசிக்க கற்று கொள்ள
முடிகிறது என் தனிமைகளில்..
 
-----------------------------------------------------------------------

உன் கோபங்களும்
வெறுப்புகளும்
தவறாக நினைக்கவும்
நான் நேசித்த அன்பு
கருதவதில்லை ...
கருதுகிற நிலைமைகள்
தொடர்ந்து வருவதில்லை
என் பிம்பங்கள்
கானல் நீராகவே
உன்னிடம் தென்படுகிறது ..
குழப்பத்தின் வெளிச்சம்
குறைய தொடங்கியதும்
நம் அன்பு நிலை
என்றும் போல்
நீடித்து நிலைத்திருக்கும்
பிரபஞ்ச சக்தி போல் 
------------------------------------------------------------

எதனாலும்
மறுக்கின்ற
பிடிவாதம்
உன்னுடையது ..
மறுகணமே
உடைந்து போவதும்
நீயே ..
உன்னின்
வியப்புகளை
கேள்விகளாய்
நெருங்குகிறது
விருப்பங்கள் ..
 -----------------------------------------------
                                           -தி .ராஜேஷ் 

Comments

Post a Comment

Popular posts from this blog

உள்ளொளி

Image
முன் நொடியில் இருள் கொண்ட அறையில் சுடர் அசைவில் நானும் நிழலும் நிறைந்து கொண்டிருந்தோம் . பின் நொடியில் அண்டம் உமிழ்ந்த ஒளியில் நானும் நிழலும் பெருவெளியின் இருப்பைக் கொண்டு அலைந்து கொண்டிருந்தோம் . முன்னும் பின்னும் நிழலுக்கு நான் என்றைக்கும் தேவையாய் இருக்கவில்லை . அதுவும் உள்ளொளிக்கு .                                     -வளத்தூர் தி.ராஜேஷ்                             
Read more

பொருள்-திண்ணை.

இந்த வாரம் திண்ணையில் வெளியான கவிதை  http://puthu.thinnai.com/?p=7166 பொருள்  கொண்டு  மனிதம் மதிப்பீடு  செய்யப்படும்  வழிமுறையை  பழக்கப்படுத்தி கொள்வதில்  இனி சிக்கல்  இருக்கபோவதில்லை. மற்றவர்களை  உதாரணம் கொண்டு  உருவாக்கப்படவில்லை  இந்நிலை.  ஒரு நீடித்த பகலில்  கைவிடப்பட்ட நம்பிக்கையை  சுமந்து கொண்டு  சுய நீர்மம் நிறைவில்  மனதின் அழுத்தங்களை  தாங்கி கொள்ள இயலாத நிலையில்  என்னையும் ஆட்கொண்டது  நாளை உங்களையும் தான் . இனி  உயிரினம் வாழ  நிர்பந்தங்களை  பட்டியல் கொண்டு  மன குற்றங்களை  மறைத்து மறந்து வாழவே  உசித்தம் . அது மிக எளிதான இயல்பு தான் .                                   -வளத்தூர் தி.ராஜேஷ்  அன்பின் நன்றிகள் திண்ணை நண்பர்களுக்கு .
Read more

பிறகு

Image
தேடல் வழியில்  என் கனவினை  காண்பதற்கு  பிரபஞ்சம் தோன்றா  நிலையில்  அதன் வெற்றிடத்தில்  இல்லாமையின் இருப்பை  உணர்த்தி கொண்டிருக்கும்  சுய திறவுக்கோல்  இன்னுமும்  உருவாக்கப்பட்டு கொண்டிருக்கிறது . நிறுத்தம். ஒரு இடைவெளியாக  என்னால் குறிக்கப்பட்டு  முடிவிலியாக  இன்று மாறும் வினையினை  பின்  எதிர்காலத்தின் ஒரு நிகழ்காலம்  தன் இயங்குதலை மேலும்  தொன்மையாகும் . பிறகு  சொல்லப்பட்டவை  இன்னுமும்  முடிக்கப்படவில்லை . நிகழ்வின் அதிர்வுகள்  உணர்த்துவதற்கு என்று  ஒரு பிரபஞ்ச இயக்கத்தை  நினைப்பதற்கு இந்த நொடியின்  பிறகு  அவை  என்னுடையதாக மாறும்  காலத்தில்  நான் இருக்கபோவதில்லை .                            -வளத்தூர் தி.ராஜேஷ் .
Read more