வளத்தூர் தி.ராஜேஷ் கவிதைகள்.

இந்த வார உயிரோசையில் வெளியான கவிதை
http://www.uyirmmai.com/uyirosai/contentdetails.aspx?cid=6166

 கூற்றின் நிகழ்
மன நீர்மத்தின் அகழியில்
சுழன்று கொண்டிருக்கிறது
என் நினைவுகள் .

என் பிரிதொரு முகம் அணிந்து
உலவும் பல்நிலை வன்மம்
காத்திருக்கும் இரவில்
ஈடேற்ற  
தன் மனதை
உடைத்தெறிக்கிறது.

இனி
வன்மத்தின் முகம் அணிந்து
எங்கும் திரிய வேண்டியது தான் .

சுய தேடலின் விளைவுகளை
முன்னிலைப்படுத்துகிறது
தன் அறியாமை .

பிரபஞ்ச நகர்வின் இடப்பெயர்வில்
எதை தான் அறுதியிட்டு
கூறி கொண்டிருக்க முடியும் .
நிழல் கனவுகள்

ஒளிர் புகும் வன்மம் நிறைந்த
காலத்தின் நிழல் அச்சமூட்டுகிறது .

தன் நிழல் வெளியிடும் விசையில்
வீழ்ந்து கிடக்கிறது என் ஒளி .

முன் இருப்பின் தொலைவில்
நிகழின் பிம்பம் மேலும் கூச செய்கிறது .

காத்திருப்பின் நிழல் பிம்பம்
ஒருபோதும் நிர்பந்தங்களை
எதிர்கொள்வதில்லை .

என் பகிராத நிழலின் சொற்கள்
காலத்தில் இறைந்து கிடக்கறது .

தன் இரை தேடும் நிழலில்
ஒளி வலி மிகுந்தது .

 அன்பின் நன்றி உயிரோசை ,நண்பர்களுக்கு .

Comments

Post a Comment

Popular posts from this blog

உள்ளொளி

Image
முன் நொடியில் இருள் கொண்ட அறையில் சுடர் அசைவில் நானும் நிழலும் நிறைந்து கொண்டிருந்தோம் . பின் நொடியில் அண்டம் உமிழ்ந்த ஒளியில் நானும் நிழலும் பெருவெளியின் இருப்பைக் கொண்டு அலைந்து கொண்டிருந்தோம் . முன்னும் பின்னும் நிழலுக்கு நான் என்றைக்கும் தேவையாய் இருக்கவில்லை . அதுவும் உள்ளொளிக்கு .                                     -வளத்தூர் தி.ராஜேஷ்                             
Read more

பொருள்-திண்ணை.

இந்த வாரம் திண்ணையில் வெளியான கவிதை  http://puthu.thinnai.com/?p=7166 பொருள்  கொண்டு  மனிதம் மதிப்பீடு  செய்யப்படும்  வழிமுறையை  பழக்கப்படுத்தி கொள்வதில்  இனி சிக்கல்  இருக்கபோவதில்லை. மற்றவர்களை  உதாரணம் கொண்டு  உருவாக்கப்படவில்லை  இந்நிலை.  ஒரு நீடித்த பகலில்  கைவிடப்பட்ட நம்பிக்கையை  சுமந்து கொண்டு  சுய நீர்மம் நிறைவில்  மனதின் அழுத்தங்களை  தாங்கி கொள்ள இயலாத நிலையில்  என்னையும் ஆட்கொண்டது  நாளை உங்களையும் தான் . இனி  உயிரினம் வாழ  நிர்பந்தங்களை  பட்டியல் கொண்டு  மன குற்றங்களை  மறைத்து மறந்து வாழவே  உசித்தம் . அது மிக எளிதான இயல்பு தான் .                                   -வளத்தூர் தி.ராஜேஷ்  அன்பின் நன்றிகள் திண்ணை நண்பர்களுக்கு .
Read more

பிறகு

Image
தேடல் வழியில்  என் கனவினை  காண்பதற்கு  பிரபஞ்சம் தோன்றா  நிலையில்  அதன் வெற்றிடத்தில்  இல்லாமையின் இருப்பை  உணர்த்தி கொண்டிருக்கும்  சுய திறவுக்கோல்  இன்னுமும்  உருவாக்கப்பட்டு கொண்டிருக்கிறது . நிறுத்தம். ஒரு இடைவெளியாக  என்னால் குறிக்கப்பட்டு  முடிவிலியாக  இன்று மாறும் வினையினை  பின்  எதிர்காலத்தின் ஒரு நிகழ்காலம்  தன் இயங்குதலை மேலும்  தொன்மையாகும் . பிறகு  சொல்லப்பட்டவை  இன்னுமும்  முடிக்கப்படவில்லை . நிகழ்வின் அதிர்வுகள்  உணர்த்துவதற்கு என்று  ஒரு பிரபஞ்ச இயக்கத்தை  நினைப்பதற்கு இந்த நொடியின்  பிறகு  அவை  என்னுடையதாக மாறும்  காலத்தில்  நான் இருக்கபோவதில்லை .                            -வளத்தூர் தி.ராஜேஷ் .
Read more