இனி
மிகவும் எளிதானவையாக
உருவகப்படுத்த முடிகிறது
நாம் தவறவிட்ட உண்மைகள்
குற்ற உணர்வை அலட்சியம்
செய்வதை வாடிக்கையாக
மாற்றுகின்ற வழித்தோன்றலை
நியாயப்படுத்த பல தொன்மம்
அடங்கிய தொகுப்புகள்
உறங்கி உறைந்து போகிறது
அதன் வழியே இனி
உறைந்த நினைவுகளில்
கரைகிறது நிகழ்வுகள் .
சரியென கொள்வதின்
பிணைப்பை
தடை செய்வதாக
நினைத்து விடுதலை
செய்து விடுகிறாய்
அவையாவும்
வன்மம் கொண்டு
அங்குமிங்கும் அலைந்து
தோன்றலின் இருப்பிடத்தை
நோக்கி பயணிக்கிறது .
தடுக்கின்ற நிலை
எல்லை மீறி போவதால்
நமக்காகவே பின்பற்றப்பட்ட
வழிமுறையின் வினையில்
நெருங்குதல் எவையென
உறுதிப்படுத்தி கொண்டால்
பழியை சுமத்த எளிதாகவே
இருக்கும்
இன்னுமொரு
தொன்மம் நிறைந்த
வழிக்காட்டலுக்கு
இருள் சேர்த்தாயிற்று
இனி பயணப்படுவது
மட்டுமே செய்யவேண்டியது .
இறுதியாக
முதலில் தோன்றிய
அணுக்களின் மிச்சம்
இன்னுமும் என்னில்
இருப்பதால் அதன்
நுண்ணிய அசைவின்
பெரும்பகுதி இனி நாமவோம் .
-தி .ராஜேஷ் .
Comments
Post a Comment