புறக்கணிப்பின் நிலைகளில்

அரவணைப்பில் காத்திருக்கும் 
நேசங்களில் நொடிகளாய்
நீள்கிறது உன் பரிதவிப்புகள் .

காலம் முன்னெப்போதும்
இல்லாத நெருக்கத்தில்
உறைந்து போகிறது
நம் புரிதல் மவுனங்களில்.

நீடித்து இருக்கும் நம்
தன்மைகளை வெறும்
வார்தைக்குள்
அடங்கிவிடுவதில்லை 


---------------------------------------------------------------


புறக்கணிப்பின்
நிலைகளில்
கடந்து போகும்
வலிகளை
சேகரிக்கிறேன்
அனுதினமும் ..

ஆறுதலின் மொழியாக
தனிமையின் துணை
தோல்கொடுக்கிறது
அனைத்தையும்
தாங்கி கொள்ள ..

ஏற்றுக்கொள்ளப்படுபவை
முன்னின்று பயணம்
செய்ய வழிவகை
செய்கிறது என் ஏளனங்கள்.
--------------------------------------------------------------------
மகிழ்வின் ஒவ்வொரு 
தருணத்திலும் 
புதிப்பிக்கப்படுகிறது
குழந்தை பருவங்கள் ..

எப்பொழுதும் 
இழந்த காலங்களில் 
மட்டுமே உணரபடுகின்றன 
தொலைந்து போன 
நேசங்களை ..

கணங்களின் கூடுதலில் 
உயர்ப்புடன் நாடுகிறது 
மகிழ்வின் இருப்பிடம்
நோக்கி .
-------------------------------------------------------------
நிலைக்கின்ற சலனங்களில் 
சரிந்து வீழ்கிறது 
என் மனதின் நோக்கங்கள் ..
கீழே வீழ்ந்து 
கொண்டிருக்கும் 
என் எண்ணங்களை 
மறுமதிப்பீடு செய்கிறது 
என் செயல்கள் ..

மனதின் 
சுயப்பரிசோதனைகள் 
வலுப்பெறுகிறது .


----------------------------------------------
                                       -தி .ராஜேஷ் .

Comments

Post a Comment

Popular posts from this blog

உள்ளொளி

Image
முன் நொடியில் இருள் கொண்ட அறையில் சுடர் அசைவில் நானும் நிழலும் நிறைந்து கொண்டிருந்தோம் . பின் நொடியில் அண்டம் உமிழ்ந்த ஒளியில் நானும் நிழலும் பெருவெளியின் இருப்பைக் கொண்டு அலைந்து கொண்டிருந்தோம் . முன்னும் பின்னும் நிழலுக்கு நான் என்றைக்கும் தேவையாய் இருக்கவில்லை . அதுவும் உள்ளொளிக்கு .                                     -வளத்தூர் தி.ராஜேஷ்                             
Read more

பொருள்-திண்ணை.

இந்த வாரம் திண்ணையில் வெளியான கவிதை  http://puthu.thinnai.com/?p=7166 பொருள்  கொண்டு  மனிதம் மதிப்பீடு  செய்யப்படும்  வழிமுறையை  பழக்கப்படுத்தி கொள்வதில்  இனி சிக்கல்  இருக்கபோவதில்லை. மற்றவர்களை  உதாரணம் கொண்டு  உருவாக்கப்படவில்லை  இந்நிலை.  ஒரு நீடித்த பகலில்  கைவிடப்பட்ட நம்பிக்கையை  சுமந்து கொண்டு  சுய நீர்மம் நிறைவில்  மனதின் அழுத்தங்களை  தாங்கி கொள்ள இயலாத நிலையில்  என்னையும் ஆட்கொண்டது  நாளை உங்களையும் தான் . இனி  உயிரினம் வாழ  நிர்பந்தங்களை  பட்டியல் கொண்டு  மன குற்றங்களை  மறைத்து மறந்து வாழவே  உசித்தம் . அது மிக எளிதான இயல்பு தான் .                                   -வளத்தூர் தி.ராஜேஷ்  அன்பின் நன்றிகள் திண்ணை நண்பர்களுக்கு .
Read more

பிறகு

Image
தேடல் வழியில்  என் கனவினை  காண்பதற்கு  பிரபஞ்சம் தோன்றா  நிலையில்  அதன் வெற்றிடத்தில்  இல்லாமையின் இருப்பை  உணர்த்தி கொண்டிருக்கும்  சுய திறவுக்கோல்  இன்னுமும்  உருவாக்கப்பட்டு கொண்டிருக்கிறது . நிறுத்தம். ஒரு இடைவெளியாக  என்னால் குறிக்கப்பட்டு  முடிவிலியாக  இன்று மாறும் வினையினை  பின்  எதிர்காலத்தின் ஒரு நிகழ்காலம்  தன் இயங்குதலை மேலும்  தொன்மையாகும் . பிறகு  சொல்லப்பட்டவை  இன்னுமும்  முடிக்கப்படவில்லை . நிகழ்வின் அதிர்வுகள்  உணர்த்துவதற்கு என்று  ஒரு பிரபஞ்ச இயக்கத்தை  நினைப்பதற்கு இந்த நொடியின்  பிறகு  அவை  என்னுடையதாக மாறும்  காலத்தில்  நான் இருக்கபோவதில்லை .                            -வளத்தூர் தி.ராஜேஷ் .
Read more