நம்பிக்கைகளின் கொடுரங்கள் .

நம்பிக்கைகளின் 
கொடுரங்கள் 
தொடர்ந்து 
கொண்டே தான் இருக்கிறது 
அதன் நிலை 
மாற்றி கொண்டே 
இருக்கும்
 நம் நிலையற்ற தன்மையில் ..




-----------------------------------------------------------


தோன்றியதெல்லாம் 
நமக்கானது என்று 
நினைத்திருந்தேன்..
உன் செயலில் 
அதையும் நீ 
உறுதிப்படுத்துகிறாய்
என் இயற்கையே ...
வழிகளில் எல்லாம்
என் மூலம்
பெறப்போகும்
உன் வெளிபாடுகளை
காண ஆவலின்
விளிம்பில்
காத்திருப்பாய் ..
காலம் கடத்தாமல்
உன் விருப்பங்கள்
நிறைவேற்றவே
என் முயற்சிகளும்
செயல்பாடுகளும்
முன்னேறுகிறது ..
ஏனென்றால்
மனதின் சுய
பரிசோதனையின்
விளைவுகள்
வலுபெறுகிறது .




----------------------------------------------------------


உள்ளதன் நினைவுகளை
உறுதுணை ஆக்கும்
என் பிரிவின்
நிமிடங்கள்
கனமாய்
தாங்குகிறாய்..

உன் வலிகளின்
தவிப்புகள்
நம் சந்திப்புகளில்
கரையும்
ஆவலில்
என்
காத்திருப்பும்
நீள்கிறது 
-----------------------------------------------------------


அறிதலின் மவுனமாய்
என் சலனமும்
மிகையாகிறது
தனிமையின்
விருப்பங்களில் ..

எதிர்கொள்கின்ற
அனைத்தும்
இயல்பை மீறுகின்ற
காலமாய்
பின்பற்றப்படுகின்றன..
---------------------------------------------------------------------
புரிதல்கள் கொள்ளாமலே
அன்பு வெறுப்புகளாக
மாறும் வாய்ப்புகளை
பெற்று தருகிறது
உன் கோபங்கள் ..
என் பேச்சுக்களை
அறிமுகம் செய்து விட்டு
முடிவுரையாக மாற்றுகிறாய்
உனக்கான நியாயங்கள்
தொடர்ந்து கிடைத்து
விடுகிறது .
-------------------------------------------------------
                                                - தி .ராஜேஷ் .

Comments

Post a Comment

Popular posts from this blog

உள்ளொளி

Image
முன் நொடியில் இருள் கொண்ட அறையில் சுடர் அசைவில் நானும் நிழலும் நிறைந்து கொண்டிருந்தோம் . பின் நொடியில் அண்டம் உமிழ்ந்த ஒளியில் நானும் நிழலும் பெருவெளியின் இருப்பைக் கொண்டு அலைந்து கொண்டிருந்தோம் . முன்னும் பின்னும் நிழலுக்கு நான் என்றைக்கும் தேவையாய் இருக்கவில்லை . அதுவும் உள்ளொளிக்கு .                                     -வளத்தூர் தி.ராஜேஷ்                             
Read more

பொருள்-திண்ணை.

இந்த வாரம் திண்ணையில் வெளியான கவிதை  http://puthu.thinnai.com/?p=7166 பொருள்  கொண்டு  மனிதம் மதிப்பீடு  செய்யப்படும்  வழிமுறையை  பழக்கப்படுத்தி கொள்வதில்  இனி சிக்கல்  இருக்கபோவதில்லை. மற்றவர்களை  உதாரணம் கொண்டு  உருவாக்கப்படவில்லை  இந்நிலை.  ஒரு நீடித்த பகலில்  கைவிடப்பட்ட நம்பிக்கையை  சுமந்து கொண்டு  சுய நீர்மம் நிறைவில்  மனதின் அழுத்தங்களை  தாங்கி கொள்ள இயலாத நிலையில்  என்னையும் ஆட்கொண்டது  நாளை உங்களையும் தான் . இனி  உயிரினம் வாழ  நிர்பந்தங்களை  பட்டியல் கொண்டு  மன குற்றங்களை  மறைத்து மறந்து வாழவே  உசித்தம் . அது மிக எளிதான இயல்பு தான் .                                   -வளத்தூர் தி.ராஜேஷ்  அன்பின் நன்றிகள் திண்ணை நண்பர்களுக்கு .
Read more

பிறகு

Image
தேடல் வழியில்  என் கனவினை  காண்பதற்கு  பிரபஞ்சம் தோன்றா  நிலையில்  அதன் வெற்றிடத்தில்  இல்லாமையின் இருப்பை  உணர்த்தி கொண்டிருக்கும்  சுய திறவுக்கோல்  இன்னுமும்  உருவாக்கப்பட்டு கொண்டிருக்கிறது . நிறுத்தம். ஒரு இடைவெளியாக  என்னால் குறிக்கப்பட்டு  முடிவிலியாக  இன்று மாறும் வினையினை  பின்  எதிர்காலத்தின் ஒரு நிகழ்காலம்  தன் இயங்குதலை மேலும்  தொன்மையாகும் . பிறகு  சொல்லப்பட்டவை  இன்னுமும்  முடிக்கப்படவில்லை . நிகழ்வின் அதிர்வுகள்  உணர்த்துவதற்கு என்று  ஒரு பிரபஞ்ச இயக்கத்தை  நினைப்பதற்கு இந்த நொடியின்  பிறகு  அவை  என்னுடையதாக மாறும்  காலத்தில்  நான் இருக்கபோவதில்லை .                            -வளத்தூர் தி.ராஜேஷ் .
Read more