மெய் தீண்டும் மை விழியே







மெய் தீண்டும் மை விழியே
உயிர் ஊடுருவும் தன்மையை 
கொண்டு எங்குமே நேசிப்பில் 
நிலைகொண்டு உள்ளாய்..

வரையறையின்றி
பொழியும் உன் வசந்தத்தை 
தவறவிட்ட காலங்களை 
மீண்டும் நிலைக்குமென 
காத்திருக்கிறேன் ..

விலகிய பருவம் 
கொண்டு மீண்டும் 
உயிர்ப்புடன் இருக்க 
புதிய மரபினை 
எதிர் நோக்குகிறேன்..

என்றாயிலும் தவறவிட்ட 
நோக்கத்திற்கு மறுக்கும் 
விதமாக அமைதியை 
சூடிகொள்வாய் உன் 
விழிகளில் ..

மெய் தீண்டும் பார்வையை 
மெய்ப்பிக்கும் காலத்தில்  
ஒன்றிணைக்கும் அன்பில் 
நான் கரைந்து போவது 
நிச்சயம்..

அவ்வழியை முன்மொழிக்கும்
இயல்பினை கொண்டு 
தேடுகிறேன் உன்னை 
மெய் தீண்டும் மை விழியே
எங்கோ நிலை கொண்டு 
உன் ஆளுமையின் 
முழுமைக்கும் நான் 
உதாரணமாகுகிறேன்..

இருத்தலின் இருப்பை 
பற்றிக்கொண்டு உன் 
உயிராகுவேன் 
மெய் தீண்டும் 
மை  விழியே நீ எங்கே ...

முடிவினை பெற்றோர் 
இடத்தில் விட்டு விட்டு 
நேசிப்பை நெஞ்சில் 
பூக்க வைத்துள்ளேன் 
யாவும் உன்னை 
சேரவேண்டுமென ...

மெய் தீண்டும் மைவிழியே 
உன் கருவிழியில் 
விழத்தான் காத்திருக்கிறேன் 
என் நேசங்கள் முழுவதும்
நேசிப்பாயாக..

எந்நிலை கொண்டு 
எதிர்ப்பார்க்கும் யாவும் 
உனக்கும் உண்டென 
அறிவேன் அதை 
உறுதி  செய்ய 
உன் மெய் தீண்டும் 
மை விழியாக 
நானும் இருப்பேன் 
நம் முடிவுறா அன்பில் .....

                              தி .ராஜேஷ் .




Comments

  1. aranthairajaDecember 19, 2010 at 4:29 PM

    மனம் நேசிப்பது எதுவாயினும் அது அதைவிடவும் மிளிர்வதை ஆழ்ந்திருக்கு. அந்த ஆழ்ந்த நிலையே காதல். அது தன்னைவிடவும் தானே தனி சிறப்பென எண்ணம்கொள்ளும்

    அன்புடன் ராஜ்குமார்.
    http://namatchivaya.blogspot.com/2010/12/blog-post_17.html

    ReplyDelete
  2. வளத்தூர் தி.ராஜேஷ்December 19, 2010 at 8:46 PM

    நன்றி நண்பரே.

    ReplyDelete

Post a Comment

Popular posts from this blog

உள்ளொளி

Image
முன் நொடியில் இருள் கொண்ட அறையில் சுடர் அசைவில் நானும் நிழலும் நிறைந்து கொண்டிருந்தோம் . பின் நொடியில் அண்டம் உமிழ்ந்த ஒளியில் நானும் நிழலும் பெருவெளியின் இருப்பைக் கொண்டு அலைந்து கொண்டிருந்தோம் . முன்னும் பின்னும் நிழலுக்கு நான் என்றைக்கும் தேவையாய் இருக்கவில்லை . அதுவும் உள்ளொளிக்கு .                                     -வளத்தூர் தி.ராஜேஷ்                             
Read more

பொருள்-திண்ணை.

இந்த வாரம் திண்ணையில் வெளியான கவிதை  http://puthu.thinnai.com/?p=7166 பொருள்  கொண்டு  மனிதம் மதிப்பீடு  செய்யப்படும்  வழிமுறையை  பழக்கப்படுத்தி கொள்வதில்  இனி சிக்கல்  இருக்கபோவதில்லை. மற்றவர்களை  உதாரணம் கொண்டு  உருவாக்கப்படவில்லை  இந்நிலை.  ஒரு நீடித்த பகலில்  கைவிடப்பட்ட நம்பிக்கையை  சுமந்து கொண்டு  சுய நீர்மம் நிறைவில்  மனதின் அழுத்தங்களை  தாங்கி கொள்ள இயலாத நிலையில்  என்னையும் ஆட்கொண்டது  நாளை உங்களையும் தான் . இனி  உயிரினம் வாழ  நிர்பந்தங்களை  பட்டியல் கொண்டு  மன குற்றங்களை  மறைத்து மறந்து வாழவே  உசித்தம் . அது மிக எளிதான இயல்பு தான் .                                   -வளத்தூர் தி.ராஜேஷ்  அன்பின் நன்றிகள் திண்ணை நண்பர்களுக்கு .
Read more

பிறகு

Image
தேடல் வழியில்  என் கனவினை  காண்பதற்கு  பிரபஞ்சம் தோன்றா  நிலையில்  அதன் வெற்றிடத்தில்  இல்லாமையின் இருப்பை  உணர்த்தி கொண்டிருக்கும்  சுய திறவுக்கோல்  இன்னுமும்  உருவாக்கப்பட்டு கொண்டிருக்கிறது . நிறுத்தம். ஒரு இடைவெளியாக  என்னால் குறிக்கப்பட்டு  முடிவிலியாக  இன்று மாறும் வினையினை  பின்  எதிர்காலத்தின் ஒரு நிகழ்காலம்  தன் இயங்குதலை மேலும்  தொன்மையாகும் . பிறகு  சொல்லப்பட்டவை  இன்னுமும்  முடிக்கப்படவில்லை . நிகழ்வின் அதிர்வுகள்  உணர்த்துவதற்கு என்று  ஒரு பிரபஞ்ச இயக்கத்தை  நினைப்பதற்கு இந்த நொடியின்  பிறகு  அவை  என்னுடையதாக மாறும்  காலத்தில்  நான் இருக்கபோவதில்லை .                            -வளத்தூர் தி.ராஜேஷ் .
Read more