தி .ராஜேஷ் (வளத்தூர் )

என் இருப்பின் பதிவு  கூடுமானவரை நிகழ்வின்  உறைவிடமாகவே  உறைந்து போய்விட்டன வீடு  இனி உறைந்த நினைவுகளில் கரைகிறது நிகழ்வுகள் . பிறப்பின் நுழைவு வருவதற்கு  முன்பாகவே முழுமையடைந்த  நிர்பந்தங்கள் ஒவ்வொன்றாக  விளைவிக்கப்பட்டன  அதன் காட்சியமைவு நீங்கள்  நம்பும் அளவிற்கு நம்பிக்கையாகிறது இப்பொழுது சினத்தின் அச்சம்  உள்ளார்ந்த நெறியாகி நிலைத்திருப்பதை  உங்களால் இனி வேடிக்கை மட்டுமே  பார்க்க இயலும் . வீட்டின் அமைவை  கூடுமானவரை உங்கள்  விருப்பத்தில் நிறைவேறுவதை  உறுதி  செய்து கொள்ளுங்கள்  ஏன்னெனில்  தூக்கி வீசப்பட்ட பல  கனவுகளின் மிச்சம் இதிலும்  ஒளிரக்கூடும் . மகிழ்வின் துயரத்தை  நீங்கள் அறிந்திராத இந்த வீட்டின்  வெற்றிடத்தில் சேமிக்கப்படுகிறது  அவ்வாறான ஒன்றை நீங்கள்  பல நாட்களாக மறந்து மறைத்து  போனதை சில இருப்பு  உங்கள் கண்கள் மீது நீர்மமாக  காட்டி  கொடுத்து விடுகிறது . என் சுயத்தின் சில  பரிணாமத்தின்  இறு...